U Homieli źnikła suviaź z maci Illi Mironava
Były palitviazień i vałancior Illa Mironaŭ paviedamiŭ u svaich sacsietkach, što z učarašniaha dnia nie maje suviazi sa svajoj maci. Mahčyma, Valancinu Mironavu mahli zatrymać padčas chvali pieraśledu svajakoŭ źniavolenych, jakaja prakaciłasia pa ŭsioj Biełarusi 23 studzienia.
24.01.2024 / 21:24
Valancina i Illa Mironavy
Sioleta Valancinie Mironavaj maje spoŭnicca 74 hady.
Pravaabaroncy paviedamlajuć pra toje, što, jak minimum, 100 čałavieki prajšli praź pieratrusy i zatrymańni padčas apošniaj karnaj akcyi siłavikoŭ. Ź ich bolš za 30 asobaŭ byli nakiravanyja ŭ izalatary časovaha ŭtrymańnia.
Pavodle papiaredniaj infarmacyi pravaabarončaha centru «Viasna», pryčynaj zacikaŭlenaści z boku KDB stała dapamoha siemjam palitviaźniaŭ ad inicyjatyvy INeedHelpBY, jakuju dniami łukašysty pryznali «ekstremisckim farmavańniem».
Čytajcie taksama:
Učora pad pieraśled trapili sama mieniej 100 čałaviek — pravaabaroncy
U Homieli prajšoŭ pieratrus na kvatery palitemihranta, zatrymali jaho maci
Učora padčas chapuna zatrymali byłuju aktyvistku strajkama na «Palimiry» Alenu Vinakuravu
Marynu Adamovič aryštavali na 15 sutak
Siłaviki zatrymali byłuju žurnalistku catholic.by Aksanu Jučkavič