Łukašenka pryznačyŭ novaha ministra achovy zdaroŭja
Alaksandr Łukašenka źniaŭ Dźmitryja Pinieviča z pasady ministra achovy zdaroŭja. Novym ministram stał Alaksandr Chadžajeŭ.
25.01.2024 / 11:52
Raniej Chadžajeŭ pracavaŭ u «Navinkach» — uznačalvaŭ RNPC psichičnaha zdaroŭja.
Chadžajeŭ — kandydat miedycynskich navuk, dacent. Jaho śpiecyjalizacyja: narkałohija, psichijatryja. U RNPC psichičnaha zdaroŭja jon byŭ pryznačany ŭ mai 2021 hoda.
Da pryznačeńnia tudy pracavaŭ u Hałoŭnym upraŭleńni arhanizacyi miedycynskaj dapamohi Ministerstva achovy zdaroŭja.
Pra byłoha ž ministra Pinieviča Łukašenka siońnia skazaŭ: «Ja baču jaho na inšaj pasadzie. Čałaviek małady, enierhičny. Adpuskać jaho na supakoj nichto nie źbirajecca». Jakoje novaje pryznačeńnie atrymaje Pinievič, pakul nieviadoma.
Pinievič zajmaŭ pasadu ministra achovy zdaroŭja z 2020 hoda i dakazaŭ svaju łajalnaść Łukašenku ŭ časie karanavirusu, kali nasupierak rekamiendacyjam SAZ u krainie nie ŭvodzilisia nieabchodnyja karancinnyja miery, koštam čaho stali žyćci biełarusaŭ, i ŭ časie represij u śfierie miedycyny paśla prezidenckich vybaraŭ.
Čytajcie taksama:
Pinievič nazvaŭ piacihadovuju adpracoŭku paśla ardynatury spraviadlivaj
Pandemija skončyłasia, ale nastupstvy zastalisia. Što COVID-19 prynios Biełarusi?
«Pandemija i represii ŭzarvali sistemu». Daktary raskazvajuć, jak źmianiłasia miedycyna za try hady