Jak minimum 159 čałaviek trapili pad pieraśled padčas masavaha rejdu siłavikoŭ na svajakoŭ palitviaźniaŭ — pravaabaroncy
Paśla pieratrusaŭ ludziej zabirali na dopyty, a potym adpuskali z padpiskaj ab nierazhałošvańni. Ale na volu vyjšli nie ŭsie.
25.01.2024 / 12:16
Suprać častki ź ich raspačali kryminalnyja spravy pavodle art. 361-1 (udzieł u ekstremisckim farmavańni) i art. 361-4 (sadziejničańnie ekstremisckaj dziejnaści). Niekatorych sudziać pa administracyjnych spravach, piša «Viasna».
Pa papiaredniaj infarmacyi, pryčynaj zacikaŭlenaści z boku KDB stała dapamoha siemjam palitviaźniaŭ ad inicyjatyvy «INeedHelpBY», jakuju dniami ŭłady pryznali «ekstremisckim farmavańniem».
Dla dapamohi inicyjatyva vykarystoŭvała papularnyja servisy dastaŭki ad «Hipa» i «Jeŭraopta». Praź ich možna anłajn zamović dastaŭku z kramy i apłacić abo na sajcie, abo pry atrymańni praduktaŭ.
Čytajcie taksama:
Padčas chapunu ŭ Breście zatrymali 70 čałaviek. Siarod zatrymanych — adnyja žančyny
Zatrymali byłoha palitviaźnia Michaiła Žamčužnaha. Jon pravioŭ za kratami ŭžo bolš za 10 hadoŭ