Jakija daručeńni daŭ Łukašenka novamu ministru achovy zdaroŭja — heta śmiešna
Pryznačajučy novaha kiraŭnika ministerstva achovy zdaroŭja, Łukašenka daŭ jamu zadańni. Adno ź ich — skončyć z kłanavaściu ŭ Ministerstvie achovy zdaroŭja.
25.01.2024 / 12:56
«Pavinny być vyklučna prafiesijanały. Addanyja svajoj spravie i dziaržavie ludzi. Heta najvažniejšy elemient. I ja vielmi raźličvaju na heta.
Viedaju, što vy čałaviek pazakłanavy. Choć u Ministerstvie achovy zdaroŭja ŭ nas tam i siamiejnyja dynastyi tak zvanyja, i kłany, i inšaje. Čaho tolki nie chapaje tam. Hetaha być nie pavinna», — skazaŭ Łukašenka Alaksandru Chadžajevu, jaki, jak daviedałasia «Naša Niva», mienavita kłanavy čałaviek. Baćka Chadžajeva byŭ pieršym namieśnikam ministra zdaroŭja. A sam jon pačynaŭ pracu pobač z Uładzimiram Karanikam u RNPC ankałohii.
Taksama Łukašenka raspavvioŭ inšyja patrabavańni da kadraŭ u sistemie novaha kiraŭnika.
«Addany spravie čałaviek, prafiesijanał, dziaržaŭnik. Kab jon nie siadzieŭ na pasadzie i nie hladzieŭ kudyści tam na susiedniuju krainu, jak by chutčej źbiehčy — nie to hrošaj bolš, ci jašče čahości. Z hetym my taksama raźbiracca pačali», — skazaŭ Łukašenka, jakija treba mieć kadry ŭ miedycynie.
Čytajcie taksama:
Łukašenka pryznačyŭ novaha ministra achovy zdaroŭja
Łukašenka anansavaŭ kadravyja «pieratrachvańni» napiaredadni vybaraŭ
Što viadoma pra novaha ministra achovy zdaroŭja Alaksandra Chadžajeva?