Šmatdzietnamu baćku prysudzili čatyry hady kałonii za «zakliki da sankcyj»
Pra zatrymańnie Paŭła Kunceviča było nieviadoma da taho, jak jahonaje imia źjaviłasia ŭ raskładzie sudoŭ. Doma jaho buduć čakać čaćviora dziaciej.
26.01.2024 / 08:00
Pavieł Kuncevič. Fota ź jahonaj staronki Ukantakcie
Paŭłu Kunceviču 39 hadoŭ. Jon minčuk, vučyŭsia ŭ Minskim dziaržaŭnym instytucie ekałohii imia Sacharava na psichołaha. Pracavaŭ na Červienskim rynku, dzie mieŭ ułasnuju handlovuju kropku, a apošnim časam rabiŭ ciaplicy za hrošy.
U Paŭła vialikaja siamja — žonka i čaćviora dziaciej.
Pavieł Kuncevič robić ciaplicu. Fota ź jahonaha fejsbuku
Kali mierkavać pa sacsietkach, zatrymali jaho ŭvosień 2023-ha. Abvinavačvali jaho pa č.3 art. 361 KK Biełarusi — «Zakliki da sankcyj abo inšym dziejańniaŭ, nakiravanych na škodu nacyjanalnaj biaśpiecy Biełarusi». Pa artykule jamu pahražała da 12 hadoŭ kałonii.
Čytajcie taksama:
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć