Швед: Камісія па вяртанні працягне працу яшчэ на год
Адпаведны праект указа Лукашэнкі ўжо падрыхтаваны.
26.01.2024 / 12:34
Адбылося чарговае пасяджэнне «камісіі па вяртанні». Генеральны пракурор Андрэй Швед расказаў прысутным, што падрыхтаваны праект указа Лукашэнкі аб тым, каб працягнуць тэрмін падачы заяваў у камісію.
Па словах Шведа, Лукашэнка падтрымаў ідэю, а падпісанне дакумента — тэхнічнае пытанне.
Андрэй Швед і Аляксандр Лукашэнка
Агулам больш чым за год у камісію напісалі 150 чалавек. Невядома, якія рашэнні былі прынятыя наконт іх.
Пачаткова меркавалася, што заявы ў камісію можна будзе падаваць да 31 снежня 2023 года.