Удзельнікаў гурта «Бі-2» трымаюць на спёцы ў камеры пад адкрытым небам
29.01.2024 / 12:17
Сітуацыяй з «Бі-2» наўпрост кіруюць расійскія ўлады, гэта паказальная расправа над музыкамі, якія не падтрымліваюць вайну.
Ілюстрацыйнае фота
Пра ўмовы, у якіх знаходзяцца музыканты, расказаў журналіст і вядоўца Дождя Міхаіл Козыраў.
Паводле яго слоў, удзельнікаў групы ўтрымліваюць у камеры пад адкрытым небам, у іх адабралі сродкі сувязі, а таксама не далі пераклад судовых дакументаў.
Акрамя таго, у камеру да музыкаў перыядычна «падсаджваюць» рускамоўных «перагаворшчыкаў», якія аказваюць на ўдзельнікаў гурта псіхалагічны ціск, палохаючы наступствамі іх справы і намякаючы на хабары.
«Умовы, у якіх яны ўтрымліваюцца — зусім жахлівыя. Яны цяпер у адкрытай камеры — гэта клетка пад пякельным сонцам, там цяпер 35-40 градусаў спякоты. Апошні раз, калі арганізатара канцэрта дапусцілі да хлопцаў, то ён убачыў звалку голых цел у майтках, бо ўся вопратка прамокла і ценю ніякага няма».
Сітуацыяй з гуртом «Бі-2» наўпрост кіруюць расійскія ўлады, гэта паказальная расправа над музыкамі, якія не падтрымліваюць вайну, кажа Козыраў.
Цяпер вялікая колькасць людзей, якія дапамагаюць групе, імкнецца прыцягнуць увагу да сітуацыі з артыстамі па дыпламатычных каналах і ў заходніх СМІ, падкрэсліў ён.
25 студзеня музыкаў гурта «Бі-2» затрымалі адразу пасля канцэрту на Пхукеце. Наступным днём суд прызначыў ім штраф, які яны аплацілі на месцы.
Потым іх затрымала міграцыйная паліцыя. Музыкаў перавезлі ў Бангкок, дзе вырашаецца пытанне аб іх знаходжанні ў Тайландзе. Групе пагражае дэпартацыя.
Чытайце таксама:
Гурт «Бі-2» знаходзіцца ў цэнтры затрымання міграцыйнай паліцыі на Пхукеце
Удзельнікаў «Бі-2» могуць дэпартаваць у краіну выдачы пашпарта