Загінуў былы музыка гурта «Мясцовы час» Валерый Драко
29.01.2024 / 19:6
На пажары загінуў музыка папулярнага ў 1990-я беларускага гурта «Мясцовы час» Валерый Драко. Пра гэта ў сацсетках паведаміў былы клавішнік гурта Руслан Парфёнаў.
Валерый Драко. Фота: facebook.com/parfionau.ruslan/
Трагічнае здарэнне адбылося не сёння, а ўжо як мінімум месяц таму, але вядома пра яго стала толькі цяпер. Мяркуецца, што музыка заснуў з запаленай цыгарэтай.
Драко быў гітарыстам гурта «Мясцовы час», заснаванага ў 1987-м у Полацку. Праз пяць гадоў ён спыніў сваё існаванне і больш не аднавіўся, нягледзячы на тое, што ў канцы 1990-х такія спробы рабіліся.
Фота: facebook.com/alesarkush
Фота: facebook.com/alesarkush
Чытайце таксама: