Asudzili chłopca, jaki spjanu napisaŭ pra namier ździejśnić masavaje zabojstva
Biełarus napiŭsia i napisaŭ siabru, što źbirajecca ździejśnić masavaje zabojstva na jurydyčnym fakultecie Hrodzienskaha dziaržaŭnaha ŭniviersiteta imia Janki Kupały. Jaho sudzili na adkrytym vyjaznym pasiadžeńni ŭ hetym samym univiersitecie, piša Hrodna life.
30.01.2024 / 17:26
Adzin hrodzienski chłopiec adnojčy napiŭsia i ŭviečary z telefona svajoj maci napisaŭ siabru ŭ telehram pra namier ździejśnić masavaje zabojstva. U vyniku jaho sudzili pavodle č. 1 art. 340 KK «Zahadzia iłžyvaje paviedamleńnie ab niebiaśpiecy».
Chłopiec svaju vinu pryznaŭ, za paviedamleńnie jamu prysudzili 1,5 hoda «chatniaj chimii». Prysud vynies 22 listapada 2023 hoda sud Leninskaha rajona Hrodna.
Asudžany pracuje pa damovie padradu ŭ adnym TAA. U jaho jość vyšejšaja adukacyja. Nieviadoma, dzie jon vučyŭsia i ci vučyŭsia ŭ HrDU.
Spravu abskardzili ŭ Hrodzienskim abłasnym sudzie. Jon pakinuŭ rašeńnie bieź źmieny, a apielacyjnuju skarhu abvinavačanaha — biez zadavalnieńnia.
Čytajcie taksama:
Čaćviorty miesiac u Minsku sudziać troch mytnikaŭ. Im pahražaje da 15 hadoŭ
Palitviaźniu dali piać hadoŭ kałonii za 21-dalaravy danat Pałku Kalinoŭskaha. Jon pryjechaŭ z ZŠA