Iran z nastupnaha tydnia admianiaje vizavy režym ź Biełaruśsiu
Ahułam vizavy režym admienieny z 28 krainaj.
31.01.2024 / 12:00
Fota: Saeed Kaari/IKAC via AP
Iran z 4 lutaha ŭ adnabakovym paradku admianiaje vizavy režym z 28 krainami. Aproč Biełarusi, vizavy režym admianiajecca z AAE, Kataram, Kyrhyzstanam, Mieksikaj, Saudaŭskaj Aravijaj, Sierbijaj, Uźbiekistanam i Japonijaj. Pra heta paviedamiŭ namieśnik ministra zamiežnych spraŭ Alireza Bihdeli, piša TASS.
«Ministerstva zamiežnych spraŭ apaviaściła adpaviednyja orhany ab zaćvierdžanym Kabinietam Ministraŭ ukazie ab admienie viz dla 28 krain», — pryvodzić jaho słova iranskaje ahienctva. Zychodziačy z hetaha, «hramadzianam hetych 28 krain, jakija jeduć u Iran z turystyčnaj metaj, z 4 lutaha 2024 hoda viza nie patrebnaja», dadaŭ namieśnik ministra. Asobna jon adznačyŭ situacyju ź Indyjaj i padkreśliŭ, što dla jaje hramadzian viza nie spatrebicca tolki ŭ vypadku pierasiačeńnia miažy pa pavietry.
Z 1 žniŭnia 2023 hoda biaźvizavy Hrupavy turystyčny abmien byŭ zapuščany pamiž RF i Iranam. 21 vieraśnia, jak paviedamili TASS u AT «Kavkaz.RF», pieršaja iranskaja delehacyja prybyła ŭ Rasiju pa biaźvizavym režymie.
Čytajcie taksama:
Mianiajucca praviły vydačy viz dla biełarusaŭ z kartami palaka
Francyja pieršaj pačynaje testavać sistemu ličbavaha Šenhiena