«Dačka» kampanii Visa abmiežavała pieravody ŭ Biełaruś
Biełaruś nieŭzabavie moža stać u šerah krain z «čornaha śpisa».
31.01.2024 / 13:54
Fota: pymnts.com
Finansavaja płatforma Currencycloud, jakaja naležyć mižnarodnaj apłatnaj sistemie Visa, abmiežavała pieravody hrošaj u Biełaruś.
Dahetul Currencycloud davała bankam i fintechkampanijam pasłuhi pa abmienie valuty dla transhraničnych płaciažoŭ, piša Office Life.
Adnak u suviazi z abnoŭlenaj «palitykaj baraćby z admyvańniem hrošaj i patrabavańniami pravierki sankcyj» kampanija admoviłasia atrymlivać i pieravodzić srodki ź niekatorych krain.
Jana tłumačyć, što «vielmi surjozna stavicca da svaich abaviazkaŭ» i, u adpaviednaści sa svajoj palitykaj, vymušanaja admovicca ad pieravodaŭ u Biełaruś.
U śpis krain, dla jakich taksama stali niemahčymyja apieracyi na płatformie, uklučanyja: KNDR, Rasija, Kuba, Iran, Livija, Sudan, Paŭdniovy Sudan, Siryja, Vieniesueła i Kazachstan. U im taksama paznačanyja akupavanyja Krym, Danieckaja, Chiersonskaja, Łuhanskaja i Zaparožskaja vobłaści.