Pamior u emihracyi hrodzieniec, jaki ŭ 2020-m adziny pajšoŭ u stačku na tytuniovaj fabrycy
30 studzienia pamior hrodzieniec Alaksandr Kuvańnikaŭ. Jon źjechaŭ u Polšču praz patencyjny palityčny pieraśled i žyŭ u Bydhaščy. U 2020 hodzie jon byŭ adzinym, chto pajšoŭ u stačku na tytuniovaj fabrycy. Pra śmierć paviedamili jaho siabry i napisali ŭ čatach zamiežnikaŭ, piša Hrodna life.
01.02.2024 / 01:39
U Alaksandra za miažoj zastalisia žonka Žanna i čaćviora dziaciej, u Biełarusi — mama.
«Ciapier pierad Žannaj staić šerah ciažkich zadač, źviazanych z pachavańniem. Mahčyma, cieła budzie pieravieziena ŭ Biełaruś. Pakul niama dakładnaj infarmacyi nakont jaho śmierci», — napisaŭ znajomy Kuvańnikava.
Dapamahčy siamji možna pa spasyłcy.
Viadoma, što ŭ Alaksandra byli prablemy z zaležnaściami.
Alaksandr Kuvańnikaŭ pracavaŭ čyścilščykam abstalavańnia na Hrodzienskaj tytuniovaj fabrycy. 14 listapada 2020 hoda jon paviedamiŭ kiraŭnictvu ab tym, što dałučajecca da stački. Praz šeść dzion jaho zvolnili pa artykule za nievykanańnie pracoŭnych abaviazkaŭ. U 2021 hodzie jaho šukali siłaviki — pryjšli da jaho tady 62-hadovaj maci.
Taksama Alaksandr cikaviŭsia harbataj — niekatoryja hrodziency mohuć pamiatać jaho čajnyja viečaryny ŭ tajm-kafe «Partał». Niefarmały viedajuć jaho jak «Sašu Panka».
Čytajcie taksama:
Pamior eks-trenier Domračavaj Mikałaj Zacharaŭ