U Mahilovie zatrymali žonku palitviaźnia Maksima Siarhiejenki
Siabroŭka siamji paviedamiła pravaabarončamu resursu Mayday team, što Alesia Siarhiejenka, maci dvuch niepaŭnahadovych dziaciej i žonka palitviaźnia Maksima Siarhiejenki, znachodzicca ŭ SIZA. Pryčyny jaje zatrymańnia nieviadomyja.
31.01.2024 / 19:39
Fota ilustracyjnaje
U Alesi Siarhiejenka dvoje dziaciej — 3 i 16 hadoŭ. Jaje muž, Maksim Siarhiejenka — palitviazień, jaki ŭ krasaviku 2021 hoda atrymaŭ ad Kruhlanskaha rajonnaha suda prysud u 3 hady źniavoleńnia.
Maksima pryznali vinavatym u tym, što jon razam ź inšymi fihurantami «spravy lalek» «vyrabili šeść rostavych lalek z cyničnymi nadpisami i vyjavami vyšejšych słužbovych asob, raźmiaścili ich na puciepravodach pablizu viosak Vilčycy i Lubuž, sfatahrafavali i raspaŭsiudzili zdymki ŭ siecivie».
Pavodle danych Mayday, Maksim Siarhiejenka pavinien vyzvalicca prykładna praź miesiac. Los niepaŭnaletnich dziaciej siamji nieviadomy.
Čytajcie taksama:
«Heta pieršy zvanočak». Da Paliny Šarendy-Panasiuk nie puścili advakata
Za videa ŭ Adnakłaśnikach zatrymali maci dvuch dziaciej z Navapołacka