Śviet

U Kazachstanie prybrali čarhovy pomnik Nursułtanu Nazarbajevu

Hetym razam pomnik pieršamu prezidentu Kazachstana prybrali z atryuma Nacyjanalnaha muzieja, piša Kaztag.

Fota: Kaztag.kz

«Hety ekspanat (pomnik Nazarbajevu) źjaŭlajecca majomaściu muzieja i ŭ suviazi sa źmienami kancepcyi choła, budzie znachodzicca na pastajannym zachoŭvańni ŭ fondzie muzieja», — paviedamili ŭ Nacyjanalnym muziei.

U muziei rastłumačyli, što ŭ ramkach śviatkavańnia 10-hodździa Nacyjanalnaha muzieja pa daručeńni ministra kultury i infarmacyi ŭ 2024 hodzie byŭ pačaty praces udaskanaleńnia muziejnaj prastory z pryciahnieńniem ajčynnych i zamiežnych ekśpiertaŭ.

Heta nie pieršy vypadak, kali ŭ Kazachstanie prybirajuć pomniki Nazarbajevu — paśla znosu pomnika eks-prezidentu padčas studzieńskich padziej u Tałdykarhanie, pomnik byłomu jełbasy źnieśli na terytoryi Nacyjanalnaha ŭniviersiteta abarony ŭ Astanie, akramia taho, fatahrafija Nazarbajeva była prybranaja z Ałmacinskaha mietrapalitena.

Čytajcie taksama:

U Astanie źnieśli pomnik Nursułtanu Nazarbajevu

Takajeŭ: Pałažeńnie ab adnarazovym prezidenckim terminie ŭ Kanstytucyi niaźmienna

«Kasym-Žamart, pryjšoŭ čas». Nazarbajeŭ raskazaŭ, pry jakich abstavinach paviedamiŭ pra svajo rašeńnie syści

Kamientary da artykuła