U Aŭstralii trochhadovy chłopčyk apynuŭsia ŭ aŭtamacie z cackami i nie zmoh vyleźci
U aŭstralijskim štacie Kvinślend pravaachoŭniki vyratavali trochhadovaha Itana, jaki zalez u aŭtamat z cackami Hello Kitty i zachras u im.
01.02.2024 / 16:11
Incydent adbyŭsia ŭviečary 31 studzienia ŭ handlovym centry, piša The Guardian. Chłopiec palez u aŭtamat za plušavaj cackaj.
Na videa, jakoje apublikavali pravaachoŭniki, dzicia siadzić siarod cacak i praz škło sprabuje prysłuchacca da ŭkazańniaŭ darosłych, jakija padkazać jamu šlach da vychadu.
Paźniej stała zrazumieła, što ich starańni źjaŭlajucca biezvynikovymi, pravaachoŭniki vyrašyli adciahnuć uvahu chłopčyka, kab raźbić škło ŭ aŭtamacie.
Kali dzicia apynułasia jak maha dalej ad škła, palicyjanty jaho raźbili — Itan nie zrazumieŭ, što zdaryłasia, adnak z radaściu pakinuŭ hulniavuju pastku.
«Ciapier ty dakładna vyjhraŭ pryz, jakuju cacku vybieraš?», — skazaŭ Itanu adzin z pravaachoŭnikaŭ, jaki jaho vyzvalaŭ.
Pa słovach baćki dziciaci Cimaci Chopiera, syn zalez u aŭtamat, kali toj «na siekundu adviarnuŭsia». Jon dadaŭ, što, vierahodna, Itan, jaki vielmi lubić cacki, na praciahu 10-15 chvilin u aŭtamacie pieražyŭ «najlepšy momant svajho žyćcia».
Pa słovach pradstaŭnika palicyi, heta pieršy padobny incydent u 21 handlovym centry štata.
Aŭtamat zabrali, ciapier iduć pieramovy z pastaŭščykami hulniavych aŭtamataŭ ab mierach, jakija dapamahli b paźbiehnuć takich situacyj.