Vulicu ŭ Bierlinie prapanavali nazvać u honar Maryi Kaleśnikavaj
Fond svabody Aksiela Šprynhiera prapanavaŭ pierajmienavać učastak vulicy kala ambasady Biełarusi ŭ Bierlinie ŭ «vulicu Maryi Kaleśnikavaj». Adpaviednaja pietycyja źjaviłasia na sajcie change.org, paviedamlaje Bild.
02.02.2024 / 16:54
Maryja Kaleśnikava i Maksim Znak na sudzie
Fond svabody Aksiela Šprynhiera prapanuje pierajmienavać učastak vulicy kala ambasady Biełarusi ŭ Bierlinie (Am Treptower Park 31) na Maria-Kolesnikowa-Street.
«My ŭśviedamlajem, što praces aficyjnaha pierajmienavańnia vulic — ci častak vulic, jak u hetaj kampanii — moža być doŭhim i ciažkim. Adnak pavodle zakonu heta mahčyma, i my chočam zrabić rašučy krok. Dla palitviaźniaŭ heta bolš, čym prosta vuličny znak», — havorycca ŭ tekście pietycyi.
Pietycyi ab pierajmienavańni vulic — heta častka kampanii «Adras svabody» ŭ abaronu palityčnych źniavolenych, inicyjavanaj Fondam svabody Aksiela Šprynhiera ŭ partniorstvie z «Reparciorami bieź miežaŭ», Freedom House, Suśvietnym kanhresam svabody i Centram Raula Valenbierha.
U vieraśni 2021 hoda Maryju Kaleśnikavu pakarali 11 hadami źniavoleńnia pavodle abvinavačańniaŭ u «zmovie z metaju zachopu ŭłady», «zaklikach da dziejańniaŭ suprać nacyjanalnaj biaśpieki» i «stvareńni ekstremisckaha farmavańnia».
Čytajcie taksama:
Maryja Kaleśnikava mocna schudnieła, a ŭ Volhi Majoravaj prablemy z horłam
U kałoniju, dzie siadziać Kaleśnikava i Zołatava, pryvieźli sałodkija padarunki ad Łukašenki
Źjaviłasia kampanija ŭ padtrymku palitźniavolenaha Maksima Znaka