Vaskrasienski zhadaŭ «kruhły stoł» u SIZA KDB: «Łukašenku adkryta chamili»
Juryj Vaskrasienski ŭ intervju Azaronku zhadaŭ, jak u 2020-m Łukašenka prychodziŭ na sustreču z palitviaźniami ŭ SIZA KDB.
04.02.2024 / 22:00
Sustreča ŭ SIZA KDB, 11 kastryčnika 2020 hoda. Skrynšot videa STB
Vaskrasienski tuju sustreču nazvaŭ stałom pieramoŭ. Ale ŭ tym, što pieramovy nie adbylisia, abvinavaciŭ palitviaźniaŭ.
«I ja hladzieŭ na hetych 11 čałaviek, jakija tam znachodzilisia (aproč prezidenta i jaho supravadžajučych asob) i prosta dziviŭsia ich nikčemnaści, ich drabnacie. (…) Niejkija durnyja fiłasofskija temy padymali, abo niejkija drabnatraŭčatyja pytańni sprabavali rašyć, abo adkryta chamili».
Palitviaźniaŭ Vaskrasienski nazvaŭ «złobnymi ludziškami», jakija nie acanili «histaryzm hetaha dnia».
Sustreča ŭ SIZA KDB, 11 kastryčnika 2020 hoda. Skrynšot videa STB
Treba zhadać, što inicyjatyva samoha Vaskrasienskaha, kali jon, akazaŭšysia na voli, staŭ prapanoŭvać palitviaźniam pisać prašeńni ab pamiłavańni, vialikaha pośpiechu nie mieła. Mnohija, niahledziačy na prašeńnie, zastalisia dasiedžvać svoj termin.
Sustreča Łukašenki ź viadomymi palitviaźniami ŭ SIZA KDB adbyłasia 11 kastryčnika 2020 hoda. Na jaje, aproč Vaskrasienskaha, pryviali Viktara i Eduarda Babarykaŭ, Siarhieja Cichanoŭskaha, Alaksandra Vasileviča, advakataŭ Liliju Ułasavu, Illu Saleja i Maksima Znaka, palittechnołaha Vitala Šklarava, Dźmitryja Rabceviča (dyrektara minskaha ofisa PandaDoc), topaŭ Biełhazprambanka Siarhieja Dabralota i Kiryła Badzieja.
Paśla jaje na volu vyjšli Vaskrasienski i Rabcevič.
Čytajcie taksama: