У Заслаўі ў хатняга ката выявілі шаленства
У сераду ветэрынарная санітарная служба будзе рабіць аб'езд раёна Кладачкі цягам усяго дня.
05.02.2024 / 14:40
Ілюстрацыйнае фота «Наша Ніва»
У Заслаўі (па вуліцы Кветкавай) 2 лютага зарэгістравалі выпадак лабараторна пацверджанага шаленства ў хатняга ката, паведамляе pristalica.by.
Санітарная служба просіць выконваць правілы ўтрымання хатніх жывёл (рэгістрацыя, штогадовая вакцынацыя супраць шаленства). У выпадку змены іх паводзін тэрмінова звяртайцеся ў раённую ветэрынарную службу: в.Малінаўка, вул. Цэнтральная, 1, тэл. 512-64-39 (43).
У сувязі з гэтым у сераду ветэрынарная санітарная служба будзе рабіць аб'езд раёна Кладачкі на працягу ўсяго дня.
Хто зацікаўлены ў вакцынацыі хатніх жывёл, захоўвайце тэлефон спецыяліста: +375297762101 (Юлія). Набірайце і дыктуйце адрас, пад'едуць, жывёле зробяць вакцыну.
Таксама правераць пашпарты ў каго запісаныя прышчэпкі.
Чытайце таксама:
У Беларусі з самалётаў скідваюць вакцыны ад шаленства для дзікіх жывёл. Не бярыце іх
Як паводзіць сябе пры сустрэчы з дзікімі жывёламі — раяць спецыяліст і бывалы паляўнічы