Mižnarodnamu reziervovamu banku pakazali čyrvonuju kartku
U hetaha banka adklikana licenzija na ažyćciaŭleńnie bankaŭskaj dziejnaści ŭ častcy pryciahnieńnia srodkaŭ fizičnych asob.
05.01.2010 / 11:20
Z 1 studzienia 2010 hoda adklikana licenzija AAT «Mižnarodny reziervovy bank» na ažyćciaŭleńnie bankaŭskaj dziejnaści ŭ častcy praviadzieńnia bankaŭskich apieracyj pa pryciahnieńni hrašovych srodkaŭ fizičnych asob va ŭkłady (depazity), a taksama pa adkryćci i viadzieńni bankaŭskich rachunkaŭ fizičnych asob.
Adpaviednaja pastanova pryniata praŭleńniem Nacyjanalnaha banka Biełarusi.
Jak patłumačyli ŭ Nacbanku, padstavaj dla takoha rašeńnia stała nielikvidacyja AAT «Mižnarodny reziervovy bank» u vyznačanym paradku parušeńnia narmatyvu biaśpieki funkcyjanavańnia.
Zhodna z padadzienaj spravazdačaj, Mižnarodny reziervovy bank pryciahnutych srodkaŭ fizičnych asob nie maje.
AAT «Mižnarodny reziervovy bank» byŭ zarehistravany Nacyjanalnym bankam Biełarusi 25 lutaha 2002 hoda.