Orban praciahvaje hulniu. Vienhierski parłamient nie zmoh prahałasavać za dałučeńnie Šviecyi da NATA
Parłamient Vienhryi nie zmoh pravieści pryznačanaje na paniadziełak hałasavańnie ab pytańni ŭstupleńnia Šviecyi ŭ NATA praz adsutnaść kvorumu. Pasiadžeńnie sarvali pradstaŭniki praŭradavaha Vienhierskaha hramadzianskaha sajuza (FIDES).
05.02.2024 / 19:51
Viktar Orban. Fota: AP
Pres-słužba FIDES paviedamiła, što ŭ partyi hatovyja abmiarkoŭvać zajaŭku Šviecyi, kali jaje premjer-ministr Ulf Krystersan spačatku sustreniecca ź Viktaram Orbanam.
«Kali heta važnaje pytańnie dla šviedaŭ, to vidavočna, što premjer-ministr Šviecyi pryjedzie ŭ Budapiešt», — adkazali ŭ FIDES na zapyt ahienctva Reuters.
Raniej Krystersan adchiliŭ zaprašeńnie vienhierskaha premjera Viktara Orbana, prapanavaŭšy ŭzamien abmierkavać usie dvuchbakovyja pytańni na sustrečy ŭ Brusieli.
Ciapier pytańnie ab ustupleńni Šviecyi ŭ NATA moža być padniataje na adnym z čarhovych pasiadžeńniaŭ vienhierskaha parłamienta: nastupnaja siesija pačniecca ŭ kancy lutaha.
Raniej šmat dziesiacihodździaŭ niejtralnaja Šviecyja padała zajaŭku na ŭstupleńnie ŭ NATA razam ź Finlandyjaj viasnoj 2022 hoda, nieŭzabavie paśla napadu Rasii na Ukrainu.
Ale jaje dałučeńnie doŭhi čas strymlivali Turcyja i Vienhryja, spadziejučysia praz heta vyrašyć ułasnyja palityčnyja zadačy. Turcyja, adnak, uchvaliła zajaŭku ŭ studzieni hetaha hoda, i ciapier usio zaležyć tolki ad Vienhryi, kiraŭnictva jakoj — najbolš prarasijskaje va ŭsim Jeŭrasajuzie.
Čytajcie takasama:
«Trajanski koń» Pucina. Chto taki Viktar Orban i čyj bok jon sapraŭdy zajmaje?
Žurnalisty daviedalisia, chto pierakanaŭ Orbana dapamahčy Ukrainie