Pieramovy pa pošcie
U «Biełnaftachimie» zajaŭlajuć, što pa ŭmovach pastaŭki nafty ŭ Biełaruś iduć u dystancyjnym režymie.
05.01.2010 / 13:07
Pieramovy pa ŭmovach pastaŭki nafty ŭ Biełaruś iduć «u dystancyjnym režymie».
Pra heta paviedamiła pres‑sakratar kancerna «Biełnaftachim» Maryna Kaściučenka.
«Heta značyć, što baki abmieńvajucca nieabchodnymi dakumientami», — rastłumačyła jana.
Pres‑sakratar padkreśliła, što «Biełnaftachim» nie maje nijakich prablem z pastaŭkami nafty z Rasii. «Nafta jak pastupała, tak i pastupaje. Z učarašniaha dnia ničoha nie źmianiłasia. Pradpryjemstvy pracujuć u zvyčajnym režymie», — skazała Kaściučenka.
***
Jak paviedamlałasia raniej, Biełaruś i Rasija tak i nie zmahli padpisać pahadnieńnie ab umovach pastaŭki nafty ŭ zapłanavany termin, 30—31 śniežnia. Rasija abjaviła ab rašeńni pastaŭlać naftu ŭ Biełaruś z 1 studzienia 2010 hoda, uklučajučy ŭ canu 100% standartnaj ekspartnaj pošliny. U 2009 hodzie ŭ canu ŭvachodziła śpiecpošlina ŭ pamiery 35,6% standartnaj ekspartnaj pošliny.
U adkaz urad Biełarusi zajaviŭ pra biesprecedentny cisk z boku Rasii na pieramovach ab pastaŭkach nafty. Pry hetym abodva baki vykazali hatoŭnaść praciahvać pieramovy.
4 studzienia premjer‑ministr Rasii Uładzimir Pucin daručyŭ Iharu Siečynu praciahnuć pieramovy ź Minskam ab umovach pastaŭki i tranzitu nafty.