U Azierbajdžanie prachodziać prezidenckija vybary. Alijeŭ pakazalna prahałasavaŭ u byłoj stalicy Nahornaha Karabacha
Ilcham Alijeŭ i pieršaja łedzi Miechryban Alijeva i členy ich siamji prahałasavali na vybarčym učastku №14 u horadzie Chankiendzi (były Ściepanakiert). U vieraśni paśla kapitulacyi Narodnaha Karabacha horad pierajšoŭ pad kantrol Azierbajdžana.
07.02.2024 / 11:11
Fota: trend.az
Prezidenckija vybary ŭ Azierbajdžanie daterminovyja. Ilcham Alijeŭ bałatujecca čarhovy raz.
U vybarach taksama biaruć udzieł samavyłučency Zachid Arudž i Fuad Alijeŭ, kandydat ad partyi Nacyjanalnaha frontu Razi Nurułajeŭ, ad Partyi vialikaha stvareńnia — Fazil Mustafa, ad Partyi «Vialiki Azierbajdžan» — Elšad Musajeŭ, ad Partyi adzinaha Narodnaha Frontu Azierbajdžana — Hudrat Hasanhulijeŭ, piša Trend.az.
Ilcham Alijeŭ kiruje krainaj z 2003 hoda, da hetaha dziesiać hadoŭ prezidentam byŭ jaho baćka Hiejdar Alijeŭ.
Čytajcie taksama:
Alijeŭ padtrymaŭ prapanovu Łukašenki zabudavać Karabach
U Ściepanakiercie (Chankiendzi) adbyŭsia azierbajdžanski vajskovy parad