Źniali dyrektara vytvorčaści kałonii ŭ Babrujsku — Biełpoł
Siarhieja Nazarava źniali pa vynikach słužbovaj pravierki, zaznačaje abjadnańnie byłych siłavikoŭ.
07.02.2024 / 15:13
Abjadnańnie byłych siłavikoŭ paviedamlaje sa spasyłkaj na svaje krynicy, što pa vynikach słužbovaj pravierki ŭstanoŭlena, što hiendyrektaram RUP «Papraŭčaja kałonija N2 h. Babrujska» (pramysłovaj vytvorčaści na terytoryi kałonii) pałkoŭnikam unutranaj słužby Siarhiejem Nazaravym byŭ dapuščany šerah «parušeńniaŭ zakanadaŭstva ŭ častcy vykarystańnia majomaści i srodkaŭ pradpryjemstva».
Heta paciahnuła pryčynieńnie škody intaresam Departamientu vykanańnia pakarańniaŭ — 74 500 rubloŭ.
Pa źviestkach Biełpoła, Nazaraŭ admoviŭsia ŭ dobraachvotnym paradku pakryć pryčynienuju škodu i heta pahražaje jamu sudovymi ciažbami.
Čytajcie taksama:
U Hrodnie sudziać byłoha dyrektara kampanii «Ahat — sistemy kiravańnia»