Vybuch u Udmurcii ŭłady nazyvajuć «płanavymi vyprabavańniami»
Vybuch pad Ižeŭskam, videa ź jakim razyšłosia ŭ sacyjalnych sietkach i telehram-kanałach, adbyŭsia padčas płanavych vyprabavańniaŭ rakietnych ruchavikoŭ, paviedamili TASS u administracyi Zaŭjałaŭskaha rajona, na terytoryi jakoha hety vybuch byŭ zafiksavany.
07.02.2024 / 21:49
U niekatorych telehram-kanałach źjavilisia paviedamleńni, što vybuch byŭ vyklikany techničnymi rabotami na Votkinskim mašynabudaŭničym zavodzie. Aŭtary hetych kanałaŭ spasyłajucca na rehijanalnuju słužbu MNS, ale ŭ aficyjnym kanale MNS pa Udmurtyi takich tłumačeńniaŭ u toj momant nie było.
Niama pakul i aficyjnych paviedamleńniaŭ i źviestak ab paciarpiełych.
Votkinski zavod raźmiaščajecca za 50 kiłamietraŭ ad stalicy Udmurtyi Ižeŭska. Akramia cyvilnaj pradukcyi, jon vypuskaje artyleryjskija rakiety, u tym liku balistyčnyja rakiety stratehičnaha pryznačeńnia dla kompleksaŭ «Topal-M» i «Iskander».
U kancy 2023 hoda Votkinski zavod apublikavaŭ 19 dziaržkantraktaŭ pa vytvorčaści kampanientaŭ jadziernych uzbrajeńniaŭ. Pry zavodzie dziejničaje vyprabavalny palihon kala siała Jahuł za 12 km ad Ižeŭska.
Čytajcie taksama:
Žychary Ižeŭska paviedamili pra mahutny vybuch u horadzie ci jaho vakolicach