Paśla ŭdaru pa Kijevie dvoje dziaciej praviali bolš za 5 hadzin u achoplenaj dymam i połymiem kvatery
Kali dom 14-hadovaha Daniły trapiŭ pad abstreł, jaho maci i baćka ŭžo vyjšli na pracu.
08.02.2024 / 13:39
Fota: Bi-bi-si — Ukraina
Chłopčyk z 10-hadovym stryječnym bratam i ciotkaj jašče spali — była samaja ranica, kali prahrymieŭ mahutny vybuch, raspaviadaje historyju «Bi-bi-si — Ukraina» sa spasyłkaj na UNICEF.
«Było połymia i dym, siastra vielmi napałochałasia. My adrazu pačali tušyć połymia vadoj, ja nadychaŭsia dymu», — uspaminaje paśla evakuacyi Daniła.
Ratavalniki zmahli dabracca da jaho kvatery ŭžo ŭdzień, kali połymia było łakalizavana. Uvieś hety čas maci Daniły i jaho siabry, zataiŭšy dychańnie, čakali ŭ dvary doma.
«Ja była ŭ mietro, kali prahrymieli vybuchi, išła na pracu, a dzieci byli ź siastroj. Jany nie paciarpieli, ale vielmi napałochanyja. Kvatera raźbitaja, mocna zadymlena», — raskazała maci chłopčyka Taćciana.
Maci stajała pad domam, razmaŭlała z synam pa telefonie i ličyła chviliny da jaho vyratavańnia.
Čytajcie taksama:
U vyniku ŭdaru pa Mikałajevie zahareŭsia hazapravod
Siły SPA źbili kala dvuch dziasiatkaŭ kryłatych rakiet nad Kijevam