Finlandyja pakul nie dumaje adkryvać miažu z Rasijaj
Pamiežnyja punkty na ŭschodniaj miažy Finlandyi i Rasii zakrytyja ź siaredziny śniežnia. Siońnia hetaje rašeńnie praciahnuli da 14 krasavika, piša Yle.fi.
08.02.2024 / 15:07
Na rasijska-finskaj miažy. Fota: Steffen Trumpf/picture alliance via Getty Images
Urad pryniaŭ rašeńnie, što punkty pierasiačeńnia suchaputnaj miažy pamiž Finlandyjaj i Rasijaj zastanucca zakrytymi da 14 krasavika.
Akramia taho, na naziemnych punktach propusku pamiž Finlandyjaj i Rasijaj nielha budzie padać zajavu ab pradastaŭleńni mižnarodnaj abarony. Rašeńnie było pryniata siońnia na pasiadžeńni Dziaržaŭnaj rady Finlandyi.
U pres-relizie Ministerstva ŭnutranych spraŭ havorycca, što ŭ hetaj situacyi heta nieabchodna i suraźmierna, bo ministerstva ličyć, što havorka idzie pra surjoznuju pahrozu nacyjanalnaj biaśpiecy i hramadskamu paradku, vyklikanaj źjavaj instrumientalizavanaj imihracyi.