Alaksiej Protas pierapyniŭ sieryju z 14 matčaŭ biez nabranych bałaŭ u NCHŁ
Naohuł heta pieršaje halavoje dziejańnie biełaruskaha chakieista ŭ 2024 hodzie.
09.02.2024 / 08:13
Što praŭda, jahony «Vašynhton» sastupiŭ «Fłarydzie» ź likam 2:4.
Na 35-j chvilinie Protas pierachapiŭ šajbu ŭ siaredzinie placoŭki, addaŭ pas Sharbosie, toj chutka adpraviŭ šajbu Monte, jaki ŭ adzin dotyk pierapraviŭ šajbu ŭ varoty.
Biełarus pierapyniŭ sieryju z 14 matčaŭ biez nabranych bałaŭ. Heta pieršaje halavoje dziejańnie ŭ 2024 hodzie.
U siezonie Alaksiej u 48 matčach nabraŭ 19 (3+16) bałaŭ, pry pakazčyku karysnaści «-5» i 4 chvilinach štrafu.
«Vašynhton» z 51 bałam u 49 matčach zajmaje 12-je miesca ŭ Uschodniaj kanfierencyi.
Taksama varta zaznačyć, što Alaksandr Aviečkin zakidvaje šajbu treci matč zapar. Zaraz u rasijanina, jaki honicca za viečnym rekordam Uejna Hrecki, 833 šajby (11 u hetym siezonie) u rehularnym čempijanacie. U Hrecki, što daŭno skončyŭ karjeru, 894.
Takim čynam adstavańnie składaje 61 šajbu. Ale raniej Aviečkin u siarednim zakidvaŭ pa 45 šajbaŭ za siezon u rehularcy.
Čytajcie taksama:
Žurnalistka raskryła sakret prahresu biełaruskaha chakieista ŭ NCHŁ
Biełaruski chakieist zarobić u «Vašynhtonie» amal $17 miljonaŭ