«My adviali vojski ad Minska». Niečakanaja ahavorka Pucina
U intervju amierykanskamu žurnalistu Takieru Karłsanu Uładzimir Pucin zamiest Kijeva raptam staŭ kazać pra Minsk.
09.02.2024 / 13:03
Skrynšot intervju z sajta Kramla
Pucin zrabiŭ ahavorku, kali raskazvaŭ, što Rasija jašče nie dasiahnuła svaich metaŭ va Ukrainie.
«Adna z metaŭ — heta denacyfikacyja. Majecca na ŭvazie zabarona usialakich nieanacysckich ruchaŭ. Heta adna z prablem, jakuju my abmiarkoŭvali i ŭ chodzie pieramoŭnaha pracesu, jaki zaviaršyŭsia ŭ Stambule ŭ pačatku minułaha hoda, ale nie pa našaj inicyjatyvie zaviaršyŭsia, tamu što nam — jeŭrapiejcy, u pryvatnaści — kazali: treba abaviazkova stvaryć umovy dla kančatkovaha padpisańnia dakumientaŭ.
Maje kalehi ŭ Francyi i Hiermanii kazali: «Jak ty sabie ŭjaŭlaješ, jak jany buduć padpisvać damovu: ź pistaletam, prystaŭlenym da skroni? Treba advieści vojski ad Minska». Kažu: dobra. My adviali vojski ad Minska.
Jak tolki my… Voj, vybačajcie, ad Kijeva — jak tolki my adviali vojski ad Kijeva, adrazu ž našy ŭkrainskija pierahavorščyki vykinuli ŭ pamyjnicu ŭsie našy damoŭlenaści, dasiahnutyja ŭ Stambule, i padrychtavalisia da praciahłaha ŭzbrojenaha supraćstajańnia pry dapamozie Złučanych Štataŭ i ich satelitaŭ u Jeŭropie».
Heta nie adzinaja ahavorka, jakaja była ŭ hutarcy. Raskazvajučy pra padziei Druhoj Suśvietnaj vajny na terytoryi Ukrainy Pucin zbłytaŭ pieršaha kiraŭnika niezaležnaj Biełarusi Stanisłava Šuškieviča z kiraŭnikom Ukrainskaj paŭstanckaj armii Ramanam Šuchievičam.
Čytajcie taksama:
Pucin u intervju Karłsanu abvinavaciŭ Kijeŭ i Zachad u pačatku ciapierašniaj vajny va Ukrainie