Žychara Viciebska aryštavali ŭ Navapołacku na 28 sutak
Sudździa suda Navapołacka Zinaida Bałabołava 25 studzienia i 1 lutaha pakarała adpaviedna 13 i 15 sutkami aryštu žychara Viciebska Alaksieja Kisialova, jaki, pa viersii rabotnikaŭ miascovaj milicyi, raspaŭsiudziŭ «ekstremizm» u sacyjalnych sietkach, piša «Viciebskaja viasna».
09.02.2024 / 18:55
Pieršaje pakarańnie Alaksiej atrymaŭ za toje, što jon na svajoj staroncy ŭ instahramie nibyta raźmiaściŭ łahatyp u vyhladzie ščyta z hierbam «Pahonia», ściaham Ukrainy, bčb-simvolikaj, miačom, kasoj i ličbami «1863 — 2022», abrevijaturu «Bataljon Kastusia Kalinoŭskaha», spasyłki na internet-resurs strana.fand, a taksama teksty Zerkalo_io i BYPOL.
Paŭtorna mužčynu pakarali z-za taho, što jon nibyta raźmiaściŭ i zachoŭvaŭ u svabodnym dostupie ŭ sacyjalnaj sietcy «Vkontaktie» spasyłku na łahatyp Tut.by.
Pryčym kali ŭ pieršym vypadku «pravaparušalnik» vinu svaju pryznaŭ, to ŭ druhim ad hetaha kateharyčna admoviŭsia.
Čytajcie taksama:
Drahičyn: eks-palitviazień i były žurnalist Siarhiej Hardzijevič vyjšaŭ z 15 sutak