Mister Bin zamianiŭ Sapatera
Nieviadomyja chakiery ŭzłamali aficyjny sajt Ispanii i padmianili fotazdymak jaje kiraŭnika na vyjavu niechlamiažaha komika.
05.01.2010 / 20:21
Naviedvalniki sajta krainy-staršyni Jeŭrasajuza 2010 Ispanii byli ździŭlenyja vyjavaj mistera Bina na miescy partreta ispanskaha lidera Chase Łuisa Sapatera.
Uviečary 4 studzienia nieviadomyja chakiery ŭzłamali aficyjny sajt i padmianili fotazdymak Sapatera na vyjavu niechlamiažaha komika.Padabienstva miž premjer-ministram i misteram Binam, rolu jakoha vykonvaje Roŭen Atkinsan, užo doŭhi čas źjaŭlajecca abjektam žartaŭ u Ispanii. Hramadzianie krainy ŭ cełym vielmi niezadavolenyja palitykaj premjera, padčas kiravańnia jakoha Ispanija vyjšła na pieršaje miesca ŭ Jeŭropie pa ŭzroŭni biespracoŭja.
Sam sajt krainy-staršyni ES nie byŭ atakavany. Jak śćviardžaje administracyja veb-staronki, ataka stałasia mahčymaj šlacham mižsajtavaha skryptynhu. Uśmiešlivy tvar mistera Bina z nadpisam «Hi there» («Pryvitańnie») zamiest aficyjnaha zdymka premjera spravakavaŭ niejmaviernuju kolkaść naviedvańniaŭ na sajt www.eu2010.es, u vyniku čaho resurs «pavis» i na pakul što nie ŭznoŭleny.