U Biełarusi pradajecca bitkojn, jaki kožny moža sabie dazvolić
Jaho ŭ prodažy narezanymi kavałačkami znajšli ŭ kramach Green. U jakaści vytvorcy paznačany Rahačoŭski małočnakansiervavy kambinat.
10.02.2024 / 09:30
Fota: Money.onliner.by
Na kambinacie Onliner.by rastłumačyli, što heta nie navinka: syr stali rabić jašče ŭ pačatku minułaha hoda. Jon adnosicca da ćviordych syroŭ nakštałt parmiezanu. U im vykarystoŭvajecca śpiecyfičny nabor zakvasačnych kultur, jakija dazvalajuć smaku hetaha syru adroźnivacca ad inšych.
Nijakaj asablivaj rekłamy hetamu syru kambinat nie davaŭ — niama infarmacyi pra Bitcoin na sajcie Rahačoŭskaha MMK, choć pra inšyja takija pradukty tam napisana.
Fota: Money.onliner.by
Pa canie jon prykładna ŭ dva razy tańniejšy za anałahičnyja syry. Praŭda, heta kali atrymajecca ŭziać jaho na źnižcy pa 21 rubiel za kiłahram.
Fota: Money.onliner.by
U skład uklučany małako, sol, zakvaska, farbavalnik i inšaje. Enierhietyčnaja kaštoŭnaść prykładna takaja ž, jak u bułki: 349 kkał.
Fota: Money.onliner.by
Jaki Bitcoin na smak? Dakładny adkaz na hetaje pytańnie daŭ by praŭdzivy amatar takich syroŭ, ale ŭ redakcyi takich nie znajšłosia. Tamu apisańnie prostaje: smak jak u zvykłaha ćviordaha syru. Bitcoin možna dadavać u makaronu, sałaty, picu, zapiečanuju bulbu i anałahičnyja stravy, kudy padychodzić parmiezan.
Fota: Money.onliner.by