Cielca niemaŭlaci, što zhareła padčas pažaru ŭ Charkavie, faktyčna pieratvaryłasia ŭ popieł
U vyniku načnoha rasijskaha ŭdaru pa Charkavie zaharelisia niekalki damoŭ, adna siamja — baćki i troje małych dziaciej — zhareli ŭ pažary.
10.02.2024 / 14:51
Fota: suspilne.media
«Znajści cieła dziciaci na miescy hibieli siamji niemahčyma», — paviedamiŭ načalnik śledčaha ŭpraŭleńnia abłasnoj milicyi Siarhiej Bałvinaŭ. Pavodle jaho słoŭ, tempieratura hareńnia była takoj, što kości i cieła dziciaci pieratvarylisia amal u popieł.
«Siamja. Zhareli całkam. Jak vyśvietlili śledčyja, paśla abstrełu adbyłasia ŭciečka paliva, jaki źmiašaŭsia sa śnieham i raścioksia pa vulicy. Pažar adbyŭsia ŭ 15 damach. Siamja akazałasia zakładnikam ahniu ŭnutry svajho ž doma. Cieła mužčyny znajšli ŭ kalidory doma, mama ź dziećmi sprabavała vyratavacca ŭ vannaj», — napisaŭ Bałvinaŭ.
U inšym domie zahinuli muž i žonka: 66-hadovy mužčyna i jaho 65-hadovaja žonka. «Muž nie chadziŭ, jaho žonka kłapaciłasia pra jaho», — raspavioŭ Siarhiej Bałvinaŭ.
Potym jon viarnuŭsia da trahiedyi pieršaj siamji.
«Ustalavać cieła niemaŭlaci na miescy niemahčyma. Na miescy — sudovy ekśpiert-miedyk. Usie źbirajem i viaziem u morh na ekśpiertyzu. Miarkujem, što maci trymała dziaciej, abdymajučy i pryciskajučy da hrudziej», — skazaŭ Siarhiej Bałvinaŭ.
Čytajcie taksama:
U Charkavie «Šachiedy» trapili ŭ AZS: harać 14 pryvatnych damoŭ, zahinuli siem čałaviek
Cełaja siamja zhareła žyŭcom u Charkavie ŭ vyniku rasijskaha abstrełu