«Niasła vialiki bieł-čyrvona-bieły ściah». 2,5 hoda «chatniaj chimii» dali za ŭdzieł u akcyi pratestu
U sudzie Leninskaha rajona Minska 17 studzienia 2024 hoda asudzili Śniažanu Marozavu pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Sudździa Julija Ščotkina pryznačyła Śniažanie dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), piša «Viasna».
12.02.2024 / 19:01
Zdymak ilustracyjny. Fota: «Viasna»
Marozavu abvinavacili va ŭdziele ŭ pratesnaj akcyi ŭ Minsku ŭ 2020 hodzie i vychadzie na prajeznuju častku.
Jak paviedamlajecca ŭ sudovaj pastanovie, žančyna «vykarystoŭvała ŭ jakaści pratesnaj simvoliki pałotnišča bieł-čyrvona-biełaha koleru i vykrykvała łozunhi». Śniažana całkam pryznała «vinu» i paviedamiła, što razam ź inšymi pratestoŭcami niasła vialiki bieł-čyrvona-bieły ściah.
Žančynu apaznali pa fotazdymku ź interneta. Padčas pieratrusu ŭ jaje vyjavili bajku i džynsy, u jakich minčanka była na pratesnaj akcyi. Paśla abviaščeńnia prysudu Śniažanu vyzvalili ŭ zale suda.
Śniažana Marozava maje vyšejšuju adukacyju i pracuje pradaŭcom-kansultantam u tavarystvie z abmiežavanaj adkaznaściu.
Čytajcie taksama:
U Minsku zaŭziatara zatrymali za «pikietavańnie» na vychadzie z chakiejnaha matču
Stała viadoma, jak zatrymlivali mahiloŭskaha žurnalista Jaŭhiena Hłuškova