Machlary stali padmanvać biełarusaŭ praz daktaroŭ
Ašukancy prydumali čarhovy sposab padmanu — praz danyja daktaroŭ, što pracujuć u miedustanovach, viadomych paciarpiełym. Pra novyja aśpiekty viadomaj schiemy raskazali va UUS Bresckaha abłvykankama.
13.02.2024 / 13:15
Afierysty źbirajuć u internecie adkrytyja danyja ab pracaŭnikach miascovaj miedustanovy, a zatym stvarajuć fejkavyja akaŭnty ŭ mesendžary, vykarystoŭvajučy asabistuju infarmacyju i fota kiraŭnika lakarni abo palikliniki. Paśla čaho ŭstupajuć u pierapisku z budučaj achviaraj, pavialičvajučy da siabie ŭzrovień davieru.
U chodzie razmovy złamyśniki ad imia miedyka viaduć pierapisku na bytavyja temy. Potym jany paviedamlajuć na nieabchodnaść znosin z pradstaŭnikom pravaachoŭnych orhanaŭ. Praź niekatory čas pastupaje zvanok nibyta ad milicyjaniera, jaki padčas dyjałohu daje instrukcyi, siarod jakich i pieravieści hrošy na bankaŭski rachunak dla ich nibyta zachavanaści.
Varta adznačyć, što anałahičnym čynam złamyśniki mohuć stvarać fejkavyja akaŭnty i vieści pierapisku ad imia nie tolki supracoŭnikaŭ miedustanoŭ, ale i inšych pradpryjemstvaŭ i arhanizacyj.
Čytajcie taksama:
Na minčuka machlary aformili dva anłajn-kredyty. Jon pajšoŭ u sud i pieramoh
U Łatvii telefonnyja machlary pačali vykarystoŭvać štučny intelekt dla razmovy na łatyšskaj movie