Siłaviki pryjšli ŭ minskuju pryvatnuju kinastudyju «Biełraskino», jakaja zdymaje rasijskuju prapahandu
Pra toje, što siłaviki pryjšli ŭ studyju, jakaja zajmajecca vytvorčaściu rasijskaha prapahandysckaha prajekta Russian Gate, paviedamiŭ telehram-kanał «Śviaščenny Biełavud». Infarmacyju kanału paćvierdzili supracoŭniki kampanii i ich znajomyja.
13.02.2024 / 22:11
Akciory na zdymkach prapahandysckaha sieryjała Russian Gate. Fota: Jeŭraradyjo
Na studyi byŭ zatrymany Pavieł Hrycenka, jon adkazvaŭ u kampanii za finansavyja pytańni.
Jašče praz danos aryštavali niekalki supracoŭnikaŭ i akcioraŭ masavych scenaŭ.
Taksama raniej zatrymlivali inšych supracoŭnikaŭ kampanii. Jany trapili na Akreścina, dzie im dali 14-15 sutak administratyŭnaha aryštu pa artykule «Chulihanstva». Bolšaść ź ich adbyła termin i vyjšła na volu.
Prajekt Russian Gate — heta sieryjał, u jakim adlustravanaje kramloŭskaje bačańnie aktualnych hieapalityčnych pracesaŭ. Jon ź minułaha leta zdymajecca ŭ niekalki krainach. U Biełarusi jaho vytvorčaściu zajmałasia studyja «Biełraskino», jakoj vałodajuć Volha i Jaŭhien Arandarevičy. Apošni maje suviazi z synam Łukašenki, Viktaram.
Čytajcie taksama:
U Baranavičach zatrymali troch čałaviek za ŭdzieł u mitynhu 2020 hoda
Bresckaha futbalista zatrymali za suteniorstva. A zaadno i za palityku