У Літве прапанавалі пазбаўляць дазволаў на жыхарства беларусаў, якія часцей чым раз на месяц ездзяць на радзіму
Акрамя гэтага, Кашчунас збіраецца зарэгістраваць прапанову аб забароне балатавацца і галасаваць на муніцыпальных выбарах
14.02.2024 / 13:59
Кіраўнік камітэта Сейма Літвы па нацбяспецы Лаўрынас Кашчунас прапанаваў пазбаўляць дазволаў на жыхарства расіянаў і беларусаў, якія рэгулярна вяртаюцца ў краіны свайго грамадзянства, піша LRT.
Кашчунас мяркуе, што пазбаўляць дазволаў на жыхарства трэба тых, хто ездзіць у Расію і Беларусь больш за адзін раз на месяц цягам года.
Акрамя гэтага, Кашчунас збіраецца зарэгістраваць прапанову аб забароне балатавацца і галасаваць на муніцыпальных выбарах грамадзянам Расіі і Беларусі з пастаянным дазволам на жыхарства ў Літве.
Сейм Літвы 12 лютага ў першым чытанні ўхваліў прапанову падоўжыць абмежаванні супраць грамадзян Расеі і Беларусі на год — да 2 мая 2025 года.
Чытайце таксама:
Сейм Літвы перанёс разгляд законапраекту аб пастражэнні праверак грамадзян Беларусі
Літва плануе скараціць напалову колькасць дазволаў на міжнародныя пасажырскія перавозкі з Беларуссю