U Litvie prapanavali pazbaŭlać dazvołaŭ na žycharstva biełarusaŭ, jakija čaściej čym raz na miesiac jeździać na radzimu
Akramia hetaha, Kaščunas źbirajecca zarehistravać prapanovu ab zabaronie bałatavacca i hałasavać na municypalnych vybarach
14.02.2024 / 13:59
Kiraŭnik kamiteta Siejma Litvy pa nacbiaśpiecy Łaŭrynas Kaščunas prapanavaŭ pazbaŭlać dazvołaŭ na žycharstva rasijanaŭ i biełarusaŭ, jakija rehularna viartajucca ŭ krainy svajho hramadzianstva, piša LRT.
Kaščunas miarkuje, što pazbaŭlać dazvołaŭ na žycharstva treba tych, chto jeździć u Rasiju i Biełaruś bolš za adzin raz na miesiac ciaham hoda,.
Akramia hetaha, Kaščunas źbirajecca zarehistravać prapanovu ab zabaronie bałatavacca i hałasavać na municypalnych vybarach hramadzianam Rasii i Biełarusi z pastajannym dazvołam na žycharstva ŭ Litvie.
Siejm Litvy 12 lutaha ŭ pieršym čytańni ŭchvaliŭ prapanovu padoŭžyć abmiežavańni suprać hramadzian Rasiei i Biełarusi na hod — da 2 maja 2025 hoda.
Čytajcie taksama:
Siejm Litvy pieranios razhlad zakonaprajektu ab pastražeńni pravierak hramadzian Biełarusi