Maładuju mieniedžarku EPAM, jakaja viarnułasia z Hruzii, buduć sudzić za «finansavańnie vajny»
Dzijanu Zavadskuju zatrymali nieŭzabavie paśla viartańnia z-za miažy. Ciapier joj pahražaje da dziesiaci hadoŭ turmy.
14.02.2024 / 15:39
Dzijana Zavadskaja. Fota ź jaje instahrama
Zatrymanuju kličuć Dzijana Zavadskaja. Jana 34-hadovaja bieraściejka. Pracuje ŭ EPAM i ŭznačalvaje tam kamandu teściroŭščykaŭ. Dzijana pierajšła ŭ IT z markietynhu, pracuje ŭ śfiery ŭžo bolš za 7 hadoŭ.
Paśla pačatku vajny jana razam z synam, jakomu ciapier 7 hadoŭ, vyjechała ŭ Tbilisi. Ale ŭ niejki momant vyrašyła viarnucca ŭ Biełaruś, choć čas ad času vyjazžała za miažu.
U jaje instahramie jość fota z Varšavy, jakoje datujecca 29 červienia 2023 hoda, praz try dni byŭ apublikavany zdymak ź Mirskaha zamka. A paśla dziaŭčyna adusiul źnikła.
Sud nad Dzijanaj pačynajecca 26 lutaha ŭ Bresckim abłasnym sudzie. Pa dvuch artykułach: «narodny» za hrubaje parušeńnie hramadskaha paradku (art. 342) i druhaja častka artykułu 361-3, «finansavańnie abo inšaje materyjalnaje zabieśpiačeńnie vajskovych kanfliktaŭ». Pa apošnim joj pahražaje ad piaci da dziesiaci hadoŭ kałonii.
Nazirajecca tryvožnyja tendencyja — usio bolej biełarusaŭ, jakija ŭ toj ci inšy sposab dapamahli Ukrainie, sudziać pa hetym artykule, «finansavańnie vajny». Značnuju častku ź ich zatrymlivajucb pa viartańni z-za miažy.
Pry hetym tych biełarusaŭ, jakija kuplajuć dapamohu dla vajskoŭcaŭ Rasii, nie čapajuć. Zajmajecca hetym navat aficyjnaja pravasłaŭnaja carkva — Śviata-Jelizaviecinski manastyr štomiesiac kuplaje aŭtamabil dla vajskoŭcaŭ z Rasii.
Čytajcie taksama:
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
Jak deananimizujuć uładalnikaŭ kryptakašalkoŭ i što zrabić, kab zaścierahčysia?
Ja achviaravaŭ u fondy. Jak zrazumieć, što ja ŭ niebiaśpiecy?