«Mahu tolki malicca, kab dačka była žyvaja», — baćka Maryi Kaleśnikavaj, pra jakuju ŭžo hod niama navinaŭ
15 lutaha minułaha hoda datavany apošni list asudžanaj na 11 hadoŭ paplečnicy Viktara Babaryki.
15.02.2024 / 10:08
Maryja Kaleśnikava padčas sudu. Fota: Ramil Nasibulin/BelTA pool photo via AP, File
Prajšoŭ hod z taho času, jak siamja źniavolenaj Maryi Kaleśnikavaj atrymała ad jaje list, i z taho času nichto jaje nie bačyŭ i ničoha pra jaje nie čuŭ, paviedamili Associated Press u sieradu jaje svajaki i zachodnija aficyjnyja asoby.
«Ja mahu tolki malicca, kab maja dačka była žyvaja, tamu što administracyja turmy ŭ Homieli nie dazvalaje spatkańnia i nie adkazvaje na maje listy i prośby», — skazaŭ baćka Kaleśnikavaj Alaksandr Kaleśnikaŭ dla Associated Press.
Na žal, situacyja z Kaleśnikavaj nie ŭnikalnaja. Bolš za hod niama infarmacyi pra asudžanaha na 14 hadoŭ Mikołu Statkieviča, z 25 krasavika kankretyki pra Viktara Babaryku, jaki kinuŭ na vybarach vyklik Łukašenku i paciarpieŭ za heta. Dziasiatki palitviaźniaŭ trapili ŭ infarmacyjny vakuum.
Čytajcie taksama:
Vulicu ŭ Bierlinie prapanavali nazvać u honar Maryi Kaleśnikavaj
Maryja Kaleśnikava mocna schudnieła, a ŭ Volhi Majoravaj prablemy z horłam
U kałoniju, dzie siadziać Kaleśnikava i Zołatava, pryvieźli sałodkija padarunki ad Łukašenki