Novy pakiet sankcyj Jeŭrasajuza suprać Rasii ŭzhadnić nie ŭdałosia, tarmozić adna kraina

Ambasadary krain ES na sustrečy 14 lutaha nie zmahli ŭzhadnić novy, 13-y pakiet sankcyj suprać Rasii, jaki płanujecca abjavić da druhoj hadaviny rasijskaha vajennaha ŭvarvańnia va Ukrainu. Pra heta paviedamiła hazieta Financial Times sa spasyłkaj na krynicy.

15.02.2024 / 20:00

Premjer-ministr Vienhryi Viktar Orban. Fota: AP

Pa słovach surazmoŭcaŭ vydańnia, novyja štrafnyja miery nie ŭdałosia ŭzhadnić z pryčyny pazicyi Vienhryi, jakaja vystupiła suprać abmiežavańniaŭ dla kampanij z Kitaja i Indyi.

ES płanuje ŭvieści sankcyi suprać amal 200 fizičnych i jurydyčnych asob z Rasii, a taksama suprać troch kampanij z Kitaja i adnoj ź Indyi.

U čarnavy varyjant 13-ha sankcyjnaha śpisu suprać Rasiei trapili taksama try biełaruskija pradpryjemstvy, a taksama šeść hramadzian Biełarusi.

Čytajcie taksama:

Bałtyja zastajecca chabam dla pastavak sankcyjnych tavaraŭ u Rasiju. Čamu z hetym ničoha nie robiać — Politico

U prajekcie novaha sankcyjnaha pakieta ad Jeŭrasajuza — šeść biełaruskich hramadzian i try abaronnyja pradpryjemstvy

Krainy «Viejmarskaha trochkutnika» zaklikali ŭvieści kropkavyja sankcyi suprać Biełarusi

Nashaniva.com