U adnym ź minskich parkaŭ prapanujuć pabudavać viežu vyšynioj 50 mietraŭ. I kab jana ruchałasia
Inviestary z Rasii prapanujuć kanceptualna źmianić park imia Paŭłava, što znachodzicca na sutyku mikrarajonaŭ Paŭdniovy Zachad, Malinaŭka i Brylevičy.
16.02.2024 / 10:47
Takaja ideja prahučała na Dni inviestara ŭ haradskoj administracyi 15 lutaha, paviedamlajuć Minsk-Naviny.
Na sustreču pryjechali pradstaŭniki patencyjnaha inviestara z Rasii. Jany prapanavali kanceptualna źmianić park imia Paŭłava. Akramia pryhožych fantanaŭ, kazačnaha sadu i padśviatleńnia na mastkach prapanujecca ŭstalavać na kruhłaj placoŭcy ruchomuju ahladnuju viežu da 50 m vyšynioj.
Voś tak pavinna vyhladać vieža vyšynioj 77 mietraŭ u Sočy. Ilustracyja: primemedia.ru
— Heta alternatyva kołu ahladu. Jano ŭ vas užo jość, tamu stavić jašče adno sensu niama, — ličyć hienieralny dyrektar «Kancept parku» Jaŭhienija Mielnikava. — Anałahaŭ prapanavanaj nami kanstrukcyi niama ŭ Biełarusi. Jaje raspracavali ŭ Rasii — pieršuju viežu chutka pabudujuć u Sočy. Raspracoŭščyk rasijski. Kali ŭsio atrymajecca, u płanach pastavić takuju ŭ Minsku.