Nieabchodnuju sumu dla błohiera Piatruchina sabrali krychu bolš čym za sutki
Siarhiej Piatruchin pisaŭ, što jamu treba było źniać kvateru, apłacić bazavyja patreby i nabyć prosty noŭtbuk dla pracy.
16.02.2024 / 11:53
«Za 2 miesiacy da vybaraŭ, 16 červienia 2020 hoda, mianie zatrymali i źmiaścili ŭ IČU. Paźniej, u suviazi z padziejami ŭ Horadni, kali zatrymlivali Siarhieja Cichanoŭskaha, mianie abvinavacili pa 342 artykule (art. 342 KK RB — arhanizacyja i padrychtoŭka dziejańniaŭ, jakija hruba parušajuć hramadski paradak). Byŭ sud. Mianie i majho kalehu-błohiera Alaksandra Kabanava skarali na 3 hady pazbaŭleńnia voli ŭ kałonii ahulnaha režymu. Ja byŭ pryznany palitviaźniem i vyjšaŭ na volu ŭ śniežni 2022 hoda.
Paśla vyzvaleńnia ja žyŭ u Biełarusi. Adnak ja bačyŭ, što chmary zhuščajucca, i praz strach znoŭ być aryštavanym i atrymać termin, ja vyrašyŭ źjaždžać. Tamu 10 lutaha 2024 hoda ja z dapamohaj kamandy evakuacyi «Bajsoł» źjechaŭ z krainy.
Ciapier ja maju patrebu ŭ padtrymcy na pieršy čas. Mnie treba źniać kvateru, apłacić bazavyja patreby i nabyć prosty noŭtbuk dla pracy», — pisaŭ jon.
Siarhiej Piatruchin prasiŭ 3000 jeŭra
Arenda kvatery na 3 miesiacy — €1200
Ježa na 3 miesiacy — €600
Nieabchodnaje adzieńnie — €300
Noŭtbuk dla pracy — €700
Paduška biaśpieki — €200
Krychu bolš čym za sutki nieabchodnaja suma była sabrana i navat bolš. Pa stanie na 12:00 piatnicy sabrany 3191 jeŭra.
Raniej paśpiachova była sabrana suma dla Volhi Takarčuk, jakaja śpiešna evakujavałasia ź dziećmi i baćkam.
Čytajcie taksama:
Błohier Siarhiej Piatruchin vyjechaŭ ź Biełarusi
Dapamohu dla byłoj palitźniavolenaj Volhi Takarčuk sabrali ŭsiaho za 10 hadzin