Łukašenka raskazaŭ pra kontrterarystyčnuju apieracyju ŭ Lelčycach
Pa jaho słovach, tam zatrymali dyviersantaŭ.
16.02.2024 / 12:14
Na ahulnaj naradzie Biełkaapsajuzu była zakranutaja tema ŭčorašnich padziej u Lelčyckim rajonie, dzie ŭvodziŭsia režym kontrterarystyčnaj apieracyi.
Łukašenka zajaviŭ, što «tolki što» na hranicy złavili niekalkich ukraincaŭ i biełarusaŭ, jakija pierakidvali na terytoryju Biełarusi vybuchoŭku dla teraktaŭ na terytoryi Rasii i Biełarusi.
«Z dapamohaj dronaŭ, pa bałotach niekatoryja z ukrainskich hramadzian pierapaŭzali na našu miažu», — raskazaŭ jon.
«Vy bačycie, što adbyvajucca vakoł. Ale, prabačcie mianie, vy jašče nie ŭsio viedajecie. Skažu vam asnoŭnaje, nie kankretyzujučy. Chutka my vam paviedamim pa ŭsich hetych pytańniach. Siońnia ŭsie žadajuć na Zachadzie, i ŭ avanhardzie našy biełaruskija źbiehłyja (u dačynieńni da Biełarusi, što tyčycca), parazy Rasii ŭ vajnie z Ukrainaj», — adznačyŭ Łukašenka.
Jon zajaviŭ, što chtości nibyta abiacaje Polščy Zachodniuju Biełaruś.
«Čytaj, nam pryrežuć niešta sa Smalenskaj, Branskaj, moža być, Pskoŭskaj abłaściej. A Zachodniuju Biełaruś my pavinny (da Minska, jak vy viedajecie, miaža była) addać Polščy. Heta novyja «demakratyčnyja ŭłady viaduć pieramovy» na Zachadzie».