Hanarovaj vypusknicy BDU dali piać hadoŭ kałonii za danaty
U Minskim haradskim sudzie vynieśli prysud 27-hadovaj palitźniavolenaj Ksienii Chodyravaj.
16.02.2024 / 12:42
Jaje asudzili za danaty pavodle dvuch artykułaŭ Kryminalnaha kodeksa: art. 361-2 (finansavańnie ekstremisckaha farmavańnia) i č. 2 art. 361-3 (finansavańnie ŭdziełu na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniach), piša «Viasna».
Pa spravie adbyłosia try pasiadžeńni, ale padrabiaznaści nieviadomyja. U vyniku sudździa Śviatłana Makarevič pryznačyła palitźniavolenaj piać hadoŭ kałonii va ŭmovach ahulnaha režymu.
Viadoma, što Ksienija skončyła fakultet sacyjakulturnych kamunikacyj, abaraniła dypłomnuju na kafiedry kulturałohii BDU. Jaje navat adznačyli ŭ naminacyi «Lepšy vypusknik BDU-2018», a taksama zaprašali na rektarski bał vypusknikoŭ BDU. Ksienija zajmajecca futbołam i tancami.
Padtrymać jaje: SIZA-1, 220030, Minsk, Vaładarskaha, 2, Ksienija Siarhiejeŭna Chodyrava
Čytajcie taksama:
Kolišniaj hanarovaj vypusknicy BDU pahražaje da dziesiaci hadoŭ turmy za danaty
U studzieni pa kryminalnych palityčnych spravach sudzili minimum 120 čałaviek