Miljony dalaraŭ. Kolki ŭłady streśli ź ludziej za danaty
Pryniali miery pa «maksimalnaj kampiensacyi».
16.02.2024 / 15:56
Dźmitryj Hara. Fota: BiełTA
Staršynia SK Dźmitryj Hara na pasiadžeńni kalehii paviedamiŭ, što ŭ 2023 hodzie prakuroru dla nakiravańnia ŭ sud pieradali bolš za 1300 «ekstremisckich» spraŭ.
Pa słovach Hary, tych, chto zrabiŭ danaty, ale źjaviŭsia z pavinnaj i kampiensavaŭ škodu, vyzvalajuć ad kryminalnaj adkaznaści.
Suma vypłačanych «kampiensacyj» za danaty za 2023 hod pieravysiła 37 młn rubloŭ — heta amal 11,5 młn dalaraŭ.
«Pryniaty dadatkovyja miery pa maksimalnaj kampiensacyi naniesienaj złačynnymi dziejańniami škody», — piša «SB».
Dźmitryj Hara dadaŭ taksama pra zavočnyja sudy — skončana vytvorčaść pa 12 kryminalnych spravach u dačynieńni da 31 asoby.