Na litoŭska-biełaruskaj miažy zatrymali charvata — šukaŭ u nas lepšaje žyćcio
Jon chacieŭ znajści pracu ŭ Biełarusi ci Rasii.
17.02.2024 / 10:14
Fota: Pamiežny kamitet
15 lutaha pablizu biełaruska-litoŭskaj miažy ŭ Hrodzienskim rajonie pamiežniki zatrymali mužčynu. Jon niezakonna pierasiek dziaržaŭnuju miažu ź Litvy ŭ Biełaruś, paviedamlaje Pamiežny kamitet.
Zamiežnik źjaŭlajecca hramadzianinam Charvatyi. Z saboj u jaho byli dva zaplečniki z rečami, nož i hrošy. Kančatkovym punktam «padarožža» była Biełaruś abo Rasija, kudy jon išoŭ, pa jaho słovach, dla pošuku pracy i lepšych umoŭ žyćcia.
Mužčynu pahražaje štraf da sta bazavych vieličyń (4000 rubloŭ) i departacyja. Na hety momant jon znachodzicca ŭ IČU Hrodzienskaj pahraničnaj hrupy.
Čytajcie taksama:
Jakaja kraina ŭ ES samaja niaščasnaja, a jakaja — najbolš ščaślivaja
U Biełarusi zasnavali premiju imia polskaha deziercira Emila Čečki
Pamiežny kamitet: Jašče adzin palak paprasiŭ statusu ŭciekača