HUBAZiK zatrymaŭ viadučuju i hukarežysiora radyjostancyi pry «SB. Biełaruś siehodnia»
Pra zatrymańnie supracoŭnikaŭ «Alfa Radyjo» stała viadoma z zapisanych siłavikami videarolikaŭ.
19.02.2024 / 19:21
Natalla Žukoŭskaja i Dźmitryj Kulikoŭski
Zatrymanyja — 46-hadovaja viadučaja «Alfa Radyjo» (uvachodzić u chołdynh «SB. Biełaruś siehodnia») Natalla Žukoŭskaja i hukarežysior Dźmitryj Kulikoŭski, viadomy taksama jak dydžej pad psieŭdanimami Offbeats Hustling i Dimdoz.
Na videa žančyna «pryznajecca» ŭ tym, što na jaje telefonie jość videa z pratestaŭ, a na vybarach jana prahałasavała za Cichanoŭskuju i dasłała biuleteń u čat-bot inicyjatyvy «Hołas».
Hukarežysioru ŭ vinu stavicca toje, što jon nibyta byŭ padpisany na «destruktyŭnyja» telehram-kanały.
Čytajcie taksama: