U Hiermanii pamior i druhi ŭkrainski baskietbalist, paranieny niamieckim školnikam
U niamieckaj balnicy pamior 18-hadovy Arciom Kazačenka, druhi ŭkrainski baskietbalist, jaki paciarpieŭ padčas napadu niamieckich školnikaŭ. Pra heta paviedamiŭ baskietbolny kłub, za jaki chłopiec vystupaŭ sa svaim tavaryšam Uładzimiram Jermakovym, jaki ad atrymanaha padčas napadu ranieńnia pamior u toj ža dzień.
20.02.2024 / 23:14
Arciom Kazačenka
Z 10 lutaha, trapiŭšy ŭ balnicu paśla napadu, Arciom Kazačenka byŭ u reanimacyi. U apošnija niekalki dzion jahony stan rezka pahoršyŭsia, i vyratavać jaho nie ŭdałosia.
Pa danych Bild, kala 20:00 ukraincy viartalisia dadomu, a ŭ aŭtobusie ŭ ich zaviazałasia svarka sa školnikami. Kali spartsmieny vyjšli z aŭtobusa la čyhunačnaha vakzała, padletki napali na ich z nažami.
Złačynstva trapiła na kamiery videanazirańnia, nieŭzabavie palicyja zatrymała dvaich padazravanych.
Hałoŭny ź ich — 15-hadovy školnik niamiecka-tureckaha pachodžańnia z Hielzienkirchiena. Jon užo viadomy palicyi jak złačyniec, jaki ździejśniŭ niekalki napadaŭ i rabavańniaŭ.
Druhi — 14-hadovy školnik niamiecka-hreckaha pachodžańnia z horada Chiernie, taksama viadomy palicyi. Pieršaha aryštavali, druhi pieradadzieny apiekunam.
Čytajcie taksama:
17-hadovaha hulca zbornaj Ukrainy pa baskietbole zarezaŭ niamiecki školnik — Bild
U Niamieččynie zabili 17-hadovaha ŭkrainskaha baskietbalista