«Jeŭraopt» bolš nie budzie pradavać papularny ŭ narodzie alej
Raniej u JEEK źviarnulisia hrupa rasijskich kampanij, vytvorcy inšaha słaniečnikavaha aleju z takoj nazvaj.
22.02.2024 / 16:10
Kampanija «Jeŭrahandal» prybrała z pryłaŭkaŭ svaich kram słaniečnikavy alej Almaro z dadańniem aliŭkavaha. Pra heta paviedamlaje Blizko.by sa spasyłkaj na pres-słužbu Jeŭrazijskaj ekanamičnaj kamisii.
Raniej u JEEK źviarnułasia hrupa rasijskich kampanij, vytvorcy inšaha słaniečnikavaha aleju z padobnaj nazvaj — Altero. Jany vykryli «Jeŭrahandal» i AT «Tłuščavy kambinat» u niesumlennaj kankurencyi: za toje, što ŭviali ŭ abarot alej Almaro, čyja etykietka imituje dyzajn ich pradukcyi.
Jeŭrazijskaja ekanamičnaja kamisija razhledzieła zajaŭku i papiaredziła, kab kampanii va ŭstanoŭlenyja terminy spynili vytvorčaść i realizacyju aleju Almaro. Tyja ŭ svaju čarhu patrabavańnie vykanali.
— Papiaredžańnie jak instrumient «miakkaha rehulavańnia» daje mahčymaść apieratyŭna biez nakładańnia štrafnych sankcyj adnavić kankurencyju na transhraničnych rynkach. Budziem praciahvać hetuju praktyku, — adznačyŭ z nahody incydentu ministr pa kankurencyi i antymanapolnym rehulavańni JEEK Maksim Jermałovič.
Čytajcie taksama:
Za 2023 hod MARH aštrafavała subjekty handlu na 800 tysiač rubloŭ