Zbornaja Biełarusi pa plažnym futbole siensacyjna vyjšła ŭ paŭfinał čempijanatu śvietu
Siońnia na čempijanacie śvietu pa plažnym futbole, što prachodzić u Abjadnanych Arabskich Emiratach, zbornaja Biełarusi ŭ 1/4 finału zhulała z trochrazovym čempijonam śvietu zbornaj Partuhalii.
22.02.2024 / 17:15
Fota: ABFF
Biełarusy pieršymi prapuścili (0:1), potym trojčy zabili (3:1, chiet-tryk u Ihara Bryšciela), potym dvojčy prapuścili — 3:3. Asnoŭny čas tak i skončyŭsia (try tajmy pa 12 chvilin).
Byŭ pryznačany dadatkovy tajm (taksama try chviliny) i biełarusy pry kancy zabili pieramožny hoł: 4:3 (znoŭ vyznačyŭsia Ihar Bryšciel).
U paŭfinale Biełaruś u subotu zhulaje ź Italijaj, jakaja pieramahła Taici ź likam 5:2. Pačatak matču ŭ 18:30.
U druhim paŭfinale zhulajuć Brazilija i Iran.
Navat u vypadku parazy ŭ niadzielu ŭ biełarusaŭ budzie matč za treciaje miesca.
Zbornaja Biełarusi brała ŭdzieł u čempijanacie śvietu treci raz. Pieršyja dva razy jana nie zmahła vyjści z hrupy, a hetym razam vyjšła ŭ płej-of ź pieršaha miesca, atrymaŭšy pieramohi va ŭsich troch matčach: Sieniehał (6:4), Japoniju (3:1), Kałumbiju (4:1).
Ihar Bryšciel zabiŭ dziesiać miačoŭ.
Čytajcie taksama:
Zbornaja Biełarusi ŭdzielničaje ŭ dosyć ekzatyčnym dla našych krajoŭ vidzie sportu + praviły hulni
Eks-zorcy «Barsiełony» dali čatyry z pałovaj hady realnaj turmy za zhvałtavańnie